“Алтай Кашмир ” ХХК өөрийн татгалзсан Бондын зээлийг бусад жижиг дунд үйлдвэрүүдэд олгохыг санал болгож байна.

Танай копанийн бондын асуудал УИХ-аар хэлэлцэгдэхээс өмнө уг бондын зээлийг авахаас татгалзчихсан байсан гэсэн яриа гарсан талаар

А.К: Алтай Кашмир нь уг асуудал УИХ-аар орохоос хориод хоногын өмнө Бондын хувиарлалтаас авахаа татгалзаж байгаа талаар албан ёсны мэдэгдэлээ Монгол Ноолуур Нэгдэл-д өгсөн байсан.

Сур: Танайх ямар шалтгаанаар энэхүү Бондоос татгалзсан юм бэ?

А.К: Ер нь бол Засгийн Газраас ноолуурын үйлдвэрүүдэд олгохоор яригдаж буй энэхүү Бондын асуудал бол Улс орны хөгжилд тодорхой хувь нэмэрээ оруулж буй үйлдвэрлэгч нарыг дэмжсэн зөв зүйтэй ажлын эхлэл гэж бодож байна. “Алтай Кашмир ” үүнээс татгалзах болсон шалтгаан нь манай хөрөнгө оруулагчдын нэг нь С.Батболд Засгийн Газрын гишүүн учир өөрөө улс төрч хүний хувьд ёс зүйгээ бодоод оролцох ёсгүй гэж үзэж Холдингоор дамжуулан хориод хоногийн өмнө бидэнд удирдамж өгсөн байсан. Тийм учраас бид үүнээс татгалзсан.

Бид Бондоос татгалзаж байгаа учир энэхүү татгалзсан Бондыг бусад жижиг дунд үйлдвэрүүдэд олгохыг санал болгож байна.

Ер нь дотоодын үйлдвэрлэгчидийн хувьд ноолуурын үйлдвэрлэл явуулана, ашигтай ажиллана гэдэг маш хүнд. Манай үйлдвэр бол 100% дотоодын хөрөнгө оруулалттай, 300 гаруй ажилчдыг ажлын байраар хангаж, тэдний цаана байгаа хэдэн зуун монгол хүмүүсийн амьдрал ахуйд хувь нэмэр оруулж байгаа. Нэг ч гэсэн иргэн амьдралын баталгаатай болвол улс орны хөгжилд бидний оруулж байгаа хувь нэмэр. Үндэсний үйлдвэрлэлээ дэмжиж, иргэн бүрийн амьдралд өөрчлөлт хийх санал санаачлага гарган төр засаг маань анхаарч байгаад үйлдвэрлэгчид талархалтай байна.